人，总是在失望和绝望时做出特别沮丧嘅表情。而往往係人特别沮丧嘅情况下，佢哋都会祈求上天可以给予佢哋一啲新嘅希望。或者有啲人会选择去臭骂上天一番，可能咁样先至会平伏佢哋嘅心情。譬喻一个打工仔啱啱做咗一啲唔啱老板心水嘅嘢时，我谂大家唔使我讲都会谂到系一个怎样嘅后果。如果佢好彩嘅可能净系俾老板骂个狗血淋头，最后又要低头出去做返自己做嘅嘢。如果一个唔好彩遇着一个脾气臭到极点嘅老板，那咁佢一定首先会俾老板臭骂一餐或臭骂老板一餐，继而俾老板炒鱿或自己辞工唔捞。打工仔嘅命运就系咁样，虽然并唔系话全部都系咁，但都系十不离九嘅。再讲返人嘅心情好啦！费事再讲啲无良老板，影衰哂啲靓嘅心情。如果自己係做每件事前都认真去考虑，之后再认真去做，我谂应唔会有太大嘅差错。为乜每个人在做错嘢后总会系去怨天尤人？何不问下自己？究竟自己咁样做系唔系啱？或者你真系无错，但係呢个咁样嘅世界入面生存，就一定要有一套自己嘅生存之道。正所谓适者生存，弱肉强食。对于呢个问题我几时都系处于一个事不关己、高高挂起嘅态度。因为唔关自己嘅事实在太多啦！更何况关于自己嘅事仲有一箩筐？人，生存系世上就一定要学识怎样去善待处理事情。究竟要怎样去处理先啱？那就你就要从减少对其他嘅伤害呢一点入手，咁样事情过后大家见面都唔会显得太过尴尬。哦！唔好意思！又讲离题啦！我原来就系想讲关于人嘅心情，但讲讲下又讲到呢度嚟啦！再讲返心情嘅问题上吧！人嘅心情里面存在着几个心情，在不同嘅情况下有不同嘅表情相对称。人对某一件事或物会存在着希望、失望、祈望、绝望。虽然呢四个望俾人嘅第一感觉上只得两个，其余两个都系另外两个嘅复制品。但字眼上相似并唔代表一个人嘅心情就会一样。就好似希望，希望就系一个人好想。而祈望呢！就会系好痴迷不悟咁样去等待某一件事或物，更有可能会造成一个人嘅精神病。失望，失望对于一个人嚟讲就系暂时性得唔会某物或做唔好某事，只不过系一个短暂性嘅事。绝望，就系对某事或某物完全失去信心，心情沉落谷底、一蹶不振。不过对于某些人就唔会咁简单啦！绝望可能会令一个人失去生命，点解我会咁样讲？因为人往往系绝望时，通常会谂到唯一嘅解决办法就系…………所以都系要珍惜生命。

求神拜佛、占卜问卦？我对呢两个成语俾一个成语做评语：封建迷信。有啲人系自己生意失败或感情失败时就会去求财神或月老。不能到底有冇有呢两位“大仙”存在？我谂冇人会见过，或者有啲“神人”或“仙人”见过“佢叶”吧！“神人”、“仙人”我总括为疯人。举头三尺有神明，拜得神多自有神保佑。如果真系有咁好嘅嘢，那咁世界各地就唔会有咁多嘅病毒和意外啦！有啲地方连水都冇得饮，更何况饭？？？每年各地渴死、饿死嘅人不计其数，仲未计其他病或意外人数。求神显灵，倒不如自己努力去做仲好。如果去求神拜佛会系求个心情发泄或心灵寄托不失为一个好办法。但人不能太过依靠精神“药物”去处理精神问题。对于心情呢个问题我谂都系要下会分解啦！因为有太多嘅因素关系到呢个问题，再加上作者：即系我啦！实在有啲瞓啦！所以下次等到有灵感再发表“惊世巨著”吧！2004年1月28日凌晨1点48分

-全文完-